唐寧近年轉型做KOL，日前已經移居紐西蘭，現年40歲的她依然有心有力，最近就拍片分享自己重新學英文準備考IELTS及到訪奧克蘭大學，希望藉住努力一圓童年的夢：「我想提醒自己背棄咗嘅理想」，獲不少網民留言鼓勵。

唐寧以童星身分出道，5歲時已經開始幕前工作，直言自己以前沒有好好讀書，英文程度不高的她，拍自己「根本無咩點讀過」，「呢樣嘢就好似變咗我嘅夢想，幻想咁，一路都好虛幻」，加上在紐西蘭生活應該要學識當地語言溝通，故此正在準備考IELTS，雖然學習的進度緩慢，但一直正在努力中。

她更到訪當地的奧克蘭大學，唐寧指自己曾入過港大，中大，科大，但均是以演員身份，這次以個人身份踏入校園，就令她感觸良多。原來從小開始不時見身邊的同學到去外國讀書，自己亦曾幻想可以到外國讀書，但高昂的學費令她知道願望不能成真，連母親都不知道她曾經有過這個想法。現時有機會就想重拾初心：「我特登去感受呢個氛圍，提醒自己背棄咗嘅理想」。

更感概分享：「今次行完大學，我感受到一啲我想感受嘅嘢，我見到一班年青人好努力咁為將來或者夢想去計劃同去準備。雖然我而家已經40歲，而家先開始為自己理想同夢想去努力，其實都唔算遲」。唐寧同時希望藉著影片，鼓勵正在努力係自己夢想進發的人：「You are not alone，我哋一齊努力」。