第73屆柏林影展於昨日舉行，著名導演杜琪峯以及評審主席 Kristen Stewart 跟其他評審一同見傳媒，杜琪峯在會見傳媒期間發表很多自己對電影的想法和感受，當中他說到：「支持電影，因為佢係同你發聲嘅。」

直言現時全球電影質素下降

有記者問到杜琪峯如何看待現時的電影，他說：「而家嘅電影我覺得係差咗㗎，全球嘅電影都差咗，係我自己睇電影嘅世界呢，好似漸漸消失，唔係我以前對電影嘅世界，我希望呢樣嘢只係暫時嘅，可能我講嘢好大膽，但呢個係我真心嘅說話。」

支持電影，為人民發聲的媒介

相信最令大家震撼的就是杜琪峯表示：「我覺得電影呢，係永遠喺前鋒，喺前面，當如果有極權嘅時候，人民失去自由嘅時候，電影通常係首當其衝，喺好多地方都係…一定係停咗你嘅文化，電影嘅文化，係直接入Audience（觀眾）入面，所以獨裁者通常對付嘅一定係電影，我覺得香港…no，sorry，我諗全球嘅爭取自由嘅國家同人民呢，佢哋都要支持電影，因為佢係同你發聲嘅。」

最重要是 passion 和 vision

杜琪峯最後說到，做電影最重要是「passion」和「vision」，缺乏其中一樣，說算有多少資金都不相干：「我覺得電影唔係用錢去衡量，我自己拍過幾部電影，（成本）不多過兩百萬港紙嘅電影，而我覺得我係拍得好開心，好舒服，我覺得最重要電影是講緊 passion 同 vision。如果冇咗 passion 同 vision，根本所有藝術家都做唔到佢應該做嘅事。那管佢畀一百億你，你無就係無，你有就係有。」

Photo Source: 網上圖片、金馬影展