昨日是歌手梁詠琪（Gigi）一連三場個唱《時間遇上我們》尾場，三場都有不同嘉賓亮相，包括鄭秀文、張敬軒和陳蕾等等。商台 DJ 梁文禮欣賞完頭場演出後，在社交平台的公開帳號大讚 Gigi 台上美麗，但卻在私人帳號批評 Gigi 唱功差。

「個 flow 差，當然佢唱得差啦。」

梁文禮在社交平台的私人帳號批評 Gigi 演唱會的整個流程：「個flow差，歌編得差，舞差，當然佢唱得差啦~ 其實都預咗，但係無諗過咁離譜，唱K咁！！連《愛自己》都入唔到呀大佬 🙄 我全晚都睇得好猛，坐立不安……唯一想讚嘅係，佢短頭髮真係好靚好襯佢，身形好，將啲醜嘅衫都carry得好，好似呢件『着上一張抹完鼻血嘅紙巾』咁。」

Gigi 大方回應批評

Gigi 在演唱會完結見記者時表示：「我諗其實每一個作品唔係淨係演唱會，例如電影，有時睇完有人鍾意有人唔鍾意，咁每個人都有自己抱著嘅期望或者標準去睇一個作品，我覺得唔緊要嘅，我都承認自己有好大嘅進步空間喺各方面。今次盡咗最大努力未必符合到每個人嘅期望，不過唔緊要，我仲會繼續做㗎嘛，咁我仲有進步嘅時間，所以希望大家畀啲時間我進步，繼續再做好啲啦。」

懶理網民指梁文禮「雙面人」

Gigi 聽到有網民指梁文禮是「雙面人」後說到：「我諗呢樣嘢就唔係好關我事，咁我做足自己本份又覺得有嚟睇嘅人鍾意就得啦。」而提到之後到電台宣傳新歌會否尷尬，她就回應：「未諗過呢個問題。」

Photo Source: gigileungwingkei、leungmanlai @ Instagram