仲有10日就到巴黎奧運啦！除了各大比賽盛事值得大家關注外，奧運亦同時掀起一陣運動熱潮，不但做運動的人變多，就連運動風時尚都來襲～想做運動、或者運動穿搭都要keep住靚，髮型亦是重點之一！即睇以下3大清爽＋實用的髮型，一齊響應巴黎奧運啦～

1.高馬尾麻花辮

想營造健康俏皮感，可以一試這款高馬尾麻花辮，先將所有頭髮紥成一條高馬尾，將高馬尾根據自己的髮量分成多份，最後編成麻花辮。想整體造型更利落，可以用髮膠整理髮碎，令髮型看上去更整齊更有運動感。

2.運動髮帶

要打造時尚的運動髮型，當然不得不提起運動髮帶，除了sporty感滿分外，寬髮帶更可以縮短額頭，達到修飾面型的效果。無論是紥成馬尾或者披髮均可，簡單之餘亦有種學園風，非常減齡。

3.春麗丸子頭

想打造青春可愛的運動風，可以紥春麗丸子頭，長髮可以編成三股辮，短髮編成兩股，然後繞成丸子時，最後再用夾住。之黎都可以夾上不同的髮夾加增造型感。