{ BEAUTY }
11 Apr 2019
用豉油碟減肚腩?女團F(x) Luna減肚腩秘訣全公開

成日睇韓國女團都會發現每位成員都相當苗條,特別係每次推出新碟前都會進行地獄式減重,要提到減重減到令人眼前一亮嘅女藝人,一定非女團F(x)成員Luna莫屬!由出道時嘅包包面,肌肉型小腿搖身一變,身型變得非常纖瘦,究竟佢係點減重成功嘅呢?Luna不時都會係個人Youtuber頻道《Luna's Alphabet 》分享佢嘅減肥心得,原來用豉油碟都可以用嚟減肚腩?


唔少Sis身上肉最多嘅部分就係肚腩位,Luna都唔例外!佢每日都用上會發熱嘅瘦身產品,再配合按摩手法為肚腩位按摩,用上發熱嘅瘦身產品再做運動,可以令效果更顯著!


第一個按摩手法就係先將雙腳與肩同寬,再將雙手放係肚臍上方順時針打圈,第一次輕輕地打圈可以加速血液循環!



20次後將膝蓋稍微彎曲骨盆往前,用手掌下方位置稍微用力順時針打圈。




而第二個按摩手法,則用上平時用嚟按摩面部嘅滾軸瘦面機,用係腰側兩旁上下推動。而肚子部分都可用到呢個方法,同樣上下推動。如果屋企無滾軸瘦面機,仲可以用豉油碟代替,記得按前係碟邊先塗上Cream,減低拉傷皮膚嘅機會!



最後,用上保鮮紙包腰間位置,令發熱嘅瘦身產品保持一定溫度,包35小時就OK架喇!當然想減重嘅話,飲食都要作出調節!想減肚腩嘅Sis不妨參考下呢個方法啊!

Source:Luna's Alphabet @ YouTube 

KEYWORDS / 減肚腩
YOU MAY ALSO LIKE
News
Feature
Blog
Load more
 
NOTIFICATION