{ BEAUTY }
15 Jan 2019
浸一浸腳瘦全身?!超有效泡腳排毒消脂法



減肥瘦身有好多種方法,除咗控制飲食同做運動之外,仲有啲偏方去加大「力度」,係咩方法呢~就係「浸腳」,聽講仲好work架!

 





之前都介紹過浸浴排毒瘦身嘅方法,但唔係人人屋企都有浴缸,不過唔緊要!浸隻腳就夠,呢個方法就連女星張嘉倪都有用,仲話一星期就減到8斤(即係約4公斤, 9磅)咁多添!

 




當然唔係淨泡熱水就得啦,要加入少少中藥成分。材料係:艾草、黨參、北芪、當歸、老薑



 

艾草可以除濕驅寒、溫經止血;黨參可以補中益氣;北芪可以補氣、利尿消腫;當歸可以活血化瘀、通便調經;老薑就有驅寒解毒嘅功效。而泡嘅方法係將以上材料浸泡30分鐘,開火煮20分鐘,最後加入鹽、醋同米酒煮5分鐘,攤到皮膚接受到嘅程度就可以開始浸泡。

 




浸泡嘅水量要過腳踝去到小腿就最好,而時間就約30分鐘,不過唔少試過嘅人話大概5分鐘已經開始出汗。泡完之後等半個鐘先用水沖洗就完成,一星期大約浸兩至三次,嚟完經期可以連續浸佢幾日,會更加有效果添!

 





嫌自己執藥麻煩嘅朋友唔使驚!因為淘寶幫到你!!!已經幫你執材料分好晒一包包,真係平靚正!不過淘寶呢家嘢⋯⋯你懂的,大家記住睇評價,幫襯一啲信譽良好嘅賣家啊!



 

呢個方法除咗可以排水去水腫,亦可以促進新陳代謝同時有調經嘅作用,皮膚都好啲,加上浸腳本身都可以舒緩疲勞,做完一日嘢返去浸一浸腳真係一種享受~

 


最後提提各位sis,唔係個個人都適合呢種方法,例如有心血管疾病、靜脈曲張嘅人士就不宜泡腳;月經期間都唔可以;而泡之前唔能夠太餓太飽,前者會頭暈,後者對胃唔好,消化不良架!

 

Sourceinstagram  taobao

YOU MAY ALSO LIKE
News
Feature
Blog
Load more
 
NOTIFICATION