{ BEAUTY }
09 Jan 2019
捲瀏海都有學問!永不NG捲瀏海大法

 





瀏海唔止有減齡效果,仲可以修飾臉型,塊面隨時細一個碼!不過夾瀏海都好有學問,一個唔覺而好易夾得太過火。今日就同大家睇下有咩小秘訣可以夾到完美嘅瀏海啦!

 

直髮夾

 




好多女仔(包括小編)都鍾意用直髮夾夾瀏海,不過好容易出現「起角」嘅情況,通常一起角就好難夾得返,夾硬夾多兩下只會愈整愈衰!所以夾之前要注意喇,直髮夾嘅溫度唔使調太高,大約140度就可以,如果直髮夾無得調溫度,可以先熄一熄個夾,用餘溫嚟夾就唔會太過火。



而夾嘅力度都要注意,唔使死命夾太緊,其實輕輕掂到熱力都足以令頭髮捲曲。時間上大約hold 5秒鐘嘅時間,夾完之後可以用手托一托等頭髮冷卻,咁瀏海嘅形態就更加完整。

 

在 Instagram 查看這則貼文

伊藤 りか(@rrrika.i)分享的貼文 張貼


另外,日本女生唔會一次過夾晒一大片瀏海,而係先分幾束咁夾,最後一次過夾晒,咁樣效果先夠自然!方向的話就好似一個日文字’’く’’咁夾就可以。

 

捲髮棒

 

在 Instagram 查看這則貼文

太田 祐哉/ALBUM 新宿/ショート(@album_ota)分享的貼文 張貼


而用開捲髮棒嘅朋友,捲嘅時候千祈唔好順住瀏海曲嘅方向去夾,要先將瀏海拉向反方向,捲上捲髮棒先向原來嘅方向。譬如我想瀏海彎向右邊,咁夾嘅方向就係:將瀏海拉向邊,捲上髮棒夾向邊。練習多幾次就掌握到個感覺架喇!

 

瀏海接駁位





 

在 Instagram 查看這則貼文

いっしー /ニンジン美容師/グレージュの達人 (@keita_hair)分享的貼文 張貼


唔少人都忽略咗瀏海同其他頭髮嘅接駁位,令到瀏海單獨分離咗出嚟,就好似《我的野蠻奶奶》入面胡杏兒嘅造型咁(笑)。夾瀏海左右邊緣嘅時候可以微微向外夾,減去接駁位嘅不自然感!

 

定型

 


原來日本女仔保持完美瀏海仲有一個小秘訣,就係定型!!當然唔係就咁係表面搽上去,而係撥起瀏海,係底部髮根搽少少髮泥。記住份量不能夠太多,如果唔係好易變barcode頭架喇!

 

Source:instagram  baishi.baidu

TEXTLaamLaam IP

News
Feature
Blog
Load more
 
NOTIFICATION