{ BEAUTY }
15 Mar 2019
中醫學堂!上課!即時瘦一圈!中醫穴位V面大法

瘦面方法咁多種,簡單嘅有搽下緊緻精華、敷下瘦面Mask,勁啲嘅有打Hifu、啪骨做Treatment,終極嘅去整容「削骨還父」!但當然入侵性嘅方法就唔鼓勵大家咁衝動去做,今日就請嚟專業中醫師梁慧儀同大家用中醫嘅方法瘦面啦!


 

唔少人都覺得自己有包包面,搣唔甩啲Baby fat,而中醫角度,以刺激穴位嘅方面能夠令面部去除水腫,塊面望落都slim啲!依家就先記住瘦面必需要知道嘅穴位!

 

瘦面嚟講有5個穴位,包括:

地倉(嘴角)

頰車(腮骨)

巨髎(鼻側)

顴髎(顴骨下)

下關(耳側邊)

 

知道有邊啲穴位之後,當然要重點刺激佢,最簡單嘅方法係:徒手!

 

大家可以用食指指骨關節,去沿著「巨髎 顴髎 下關」、「地倉 頰車」呢兩條穴位路線按壓,記住過程唔使拖拉,一下一下咁用指骨按落去就可以!一次來回按30次,隔日做!  

想加強效果,仲可以借助小工具——刮痧板添!唔止背脊可以刮痧,塊面都一樣得,而且唔使擔心會好似平時刮痧咁起晒痧好似瘀咗,只係會輕直紅一陣就會退,呢個方法仲可以即時睇到效果架!

 


平時一塊刮痧板100蚊以內都買得到,形狀可以揀呢款,比較易控制同啱面型!而為咗避免刮痧板會拉扯到皮膚,可以先搽上化妝水,如果有瘦面提升緊緻嘅產品當然要搽埋落去,更加加強效果!

 


同樣都係有兩條路線,路線一:沿「地倉 頰車」穴位 ;路線二:沿「巨髎 顴髎 下關」穴位,每邊來回刮30次,都係隔日做,呢個動作咁簡單,隔日臨訓前又或者睇電視時做亦得,得咗!

 

 

專業中醫資訊由香港註冊中醫梁慧儀醫師提供

 

Credit List

Videographer: Jo Lo

Video Editor: Jo Lo

Photographer: Jo Lo

Graphic DesignerVerna Poon

Content Editor: LaamLaam Ip

Model: Eunice Yip

Special ThanksAmy [email protected]仁美專科中醫診所

 

YOU MAY ALSO LIKE
News
Feature
Blog
Load more
 
NOTIFICATION