昇陽娛樂「型男」王智騫（Martin）擁有fit爆身材，今日他跟出席ViuTV新劇《數字人生》開鏡拜神，透露在劇中角色原本衣着斯文，但因導演看過他個人社交平台露肌相後，決定將他戲服剪爛及更換，最低限度都要露麒麟臂，Martin說：「原本我戲服係着恤衫，好斯文，而家換晒背心短褲，哈哈。」

Martin續說習慣平時一星期健身三次，他不時在IG分享健身成果，最近分享的照片，更明顯健碩不少，他表示：「唔想太瘦，想大隻啲，畀人穩重感覺，目標操到有42吋胸，不過公司同事話太大隻好難搵衫，試過出席品牌活動，件衫太緊，佢哋叫我唔好咁大隻。」