今年宋仲基宣布與外籍演員女友Katy Louise Saunders閃婚兼做爸爸，引起廣大網友討論！不過宋仲基都有繼續密密搵奶粉錢，最近他就忙於宣傳新戲，在受訪時就透露「海外試鏡全落選」，進軍荷里活失利。

宋仲基表示自己接下來的目標是在各種不同的文化圈中、不同電影工業中挑戰。他提到太太亦有幫助自己很多，認識不少荷里活相關人士，所以得到不少試鏡。雖然宋仲基有好大野心不過到目前為止海外試鏡全落選，直言會繼續努力。

之後提到有關仔仔的話題時，宋仲基即刻化身「暖爸」開始講到湊仔經，他表示身邊的人大部分都指仔仔的的嘴巴好似自己，聽完心情特別好同覺得好神奇。雖然仔仔只有3個月大，宋仲基又笑言到目前為止仲未有做爸爸的實感，形容是「有種糊裡糊塗的感覺，『我當爸爸了啊？我有兒子了啊？』」，但每天可以與太太一齊照顧仔仔感到滿足，更指自己每天都在滿滿的幸福感下生活。