一向公認身材無敵Fit嘅視后林夏薇，雖然最近忙於拍攝《逆天奇案2》，一劇接一劇嘅佢百忙之中都會抽時間做運動，日前佢係IG公開幕後花絮，仲以瑜珈套裝示人，fit到漏身材令人馬上心心眼呀！

當日因爲導演希望可以捕捉薇薇係最美的夕陽下做瑜伽，對於薇薇的人無難度，一roll機輕易在草地上做瑜珈大騷絕佳柔軟度之餘，仲有令人稱羨嘅馬甲線！之後薇薇透露為了拍攝呢個場口落咗好大苦功，加上自己生日，食咗好多個生日蛋糕，所以食完之後就一直瘋狂操Fit，好驚馬甲線消失。

而薇薇因爲佢爲咗操Fit就犧牲咗最鍾意食嘅雪糕quota，所以係完成呢個場口之後，馬上飛奔去食返最愛嘅雪糕，十分搞笑！