荷里活男神里安納度去年與拍拖4年的模特兒Camila Morrone分手後，感情生活一直備受傳媒關注，尤其佢嘅擇偶條件好似一定要係25歲以下，職業係Model等等，吸引網友議論紛紛！最近佢就被影到與Model新歡Meghan Roche一同出遊到西班牙度假！

今次女主角Meghan Roche年僅22歲，高挑身材當然係必備條件，身高擁有1米78。佢15歲就出道，翌年更被模特兒網站選為「最佳新人」，曾參與多個大型時裝品牌行騷。

而里安納度今次西班牙與女方一同搭豪華遊艇出遊，雖然二人並無被影到有任何親暱舉動，但有不少網友認為被邀請到遊艇，相信女方都有不少吸引力。

不過除了感情生活，經常公開表示十分關心環保議題嘅里安納度，同樣備受網友狠批！因爲佢過去多次坐豪華遊艇同私人飛機四圍去，根本就完全唔環保，但對外就話要保護環境，狠批為人虛偽。