近年在內地工作的成龍今年五月在杭州富人區豪擲半億買樓，出入睇樓靠直升機，更順理成章成為該豪宅代言。不過未知係咪買樓買得太張揚，有不少網友對於其「買樓資格」提出質疑。

在交樓當日成龍都有親自到場，發展商更隆重其事，在成龍屋外現場鋪起紅毯，安排舞龍舞獅等。期間見到豪宅裝修十分豪華，不過成龍就似乎唔多滿意受訪時透露嫌「細」，直言希望再買隔離間屋方便打通。

不少內地網友睇黎對於成龍買樓嘅資格有質疑，因為早前杭州推出房屋限購令而壓制房價，沒有當地戶籍需要在買樓前4年起，要在該區交足稅。但成龍今年5月先買樓，被質疑有無跟足程序。加上內地廣電總局推出演藝人員「炫富禁令」，咁高調買樓會唔會有影響等等問題令網友十分好奇。