迎接新生命的興奮和喜悦，相信是天下父母最窩心的心跳回憶，不過產後修身卻成為天下靚媽揮之不去的噩夢陰霾。去年五月藝人余香凝（Jennifer）誕下掌上明珠Clare後，不時在社交平台分享育兒心得；近日她還拍片公開星級修身秘訣，期間不惜自曝產前暴肥45磅的肥腫照，實行以行動鼓勵天下媽媽：「唔使驚，只要你有恆心，一定瘦得番！」

養胎長肉失自信
為了回應一眾迷途孕媽的修身求助，近日Jennifer親自揭開身材更勝從前的箇中玄機，還首度自爆產前體重直逼165磅！當中暴肥關鍵，原來都是因為一份母愛：「懷孕四個月產檢嘅時候，醫生話BB有啲偏細，由嗰一晚開始我就不停食好多嘢，我由原本121磅（增磅）到臨生嘅時候165磅⋯⋯懷孕時好矛盾，我諗各位媽媽都明，好想BB大、畀到好多營養佢；但係睇到自己愈嚟愈肥，我有試過喊，試過好多次添。」

這份「天使的禮物」讓Jennifer暫時放下名品身材，不過她也下定決心，目標在產後半年回復少女身段，因此她誕下Clare後便從飲食著手，強調「進補依舊」但戒盡油鹽糖份，並減少澱粉攝取；她又在產後第二個月跟從林芊妤（Coffee）的「減手臂操」做運動，期間配合紮肚療程，找回失去已久的肌肉和腹直肌。不過她也坦言紮肚過程相當痛苦：「紮完嗰下覺得冇嘢，但係紮肚師走咗之後就嚟喇！好痺好痺，好㾓呀，啲骨係㾓到你完全行唔到路，㾓嘅感覺我諗維持三個鐘到。」

半年回復少女身材
除了以上秘方，Jennifer在產後三個月嘗試焗身排汗、通淋巴等方法踢走水腫，還開始配合健身，成功摵去30磅肥肉；不過此時的她卻陷入減肥平台期，因此她借助隔空溶脂療程來針對解決下半身肥胖，期間也會定時服用排毒酵素，最終在產後六個月後超額完成、回到少女時！

從女神走到靚媽，「廿四孝媽媽」Jennifer深明人母「走樣」之苦，她也寄語各位準媽咪放下壓力，享受懷孕過程：「我懷孕嘅時候食嘢都會同自己講最緊要開心，因為孕婦最緊要開心，所以唔好諗咁多喇，唔好驚肥，開心咗先，生完之後湊BB辛苦都一定會瘦，再加埋你嘅恆心。」