漢堡包看似製作簡單，但其實要製作出好味嘅漢堡包也絕不容易！由最重要嘅漢堡扒牛肉嘅挑選及製作、麵包嘅鬆軟香脆程度、醬汁是否調合得惹味等，每個步驟都花了不少功夫。 今日小編就為你介紹中環四間出色的漢堡包店！
特約編輯：Rinky Sze
1. Aussie Grill by Outback Central
除咗出名食牛扒外，副線Aussie Grill嘅漢堡包亦都相當出色。旗艦店開設於中環黃金地帶，佔地4,600呎。餐廳走街頭風設計，展現澳洲風情，而食物方面就很「BOLD」，既高質素，份量也很多！
必試Item：「敢食脆蝦牛肉芝士漢堡」一啖試勻八層口感！漢堡餐包散發牛油香，半溶芝士配搭脆香蝦球，自家Aioli醬汁甜辣開胃，漢堡扒用上百分百美國優質牛肉製造，嫩香多汁，仲有煙肉及酸瓜等配料，即點即製新鮮熱辣。
配菜必點「手工薯片」，炸到超香脆，口感非常好，絕不油膩，點自家製蛋黃醬，味道好夾！
「脆炸洋蔥條」概念來自Outback Steakhouse嘅”洋蔥花球’，厚切大條嘅炸洋蔥，多汁爽口兼脆卜卜，記得點埋自家醬汁，味道更佳。
地址：中環皇后大道中30號娛樂行地舖及一樓
2. 5019 Premium Factory5019 Premium Factory
來自日本四國高知縣，由日本師傅引入香港，食物選材矜貴，所有牛肉漢堡扒都選用九州和牛製作。餐廳的裝潢以木色為主調，走簡約風。
必試Item：「雙層芝士漢堡」九州宮崎及鹿兒島的和牛肉漢堡扒果然有驚喜，兩層溶岩般的芝士淋上兩塊又厚又大的和牛漢堡，油脂味豐富，肉質鮮嫩，咬落滿口和牛肉汁，十分JUICY，絕對係邪惡之選，食完大滿足！
「鐵板芝士炒蛋」師傳即場將芝士蛋漿倒入滾燙嘅鐵板，炒至芝士溶化，蛋呈半熟狀態。濃郁蛋香加上芝士，非常美味！芝士仲好容易拉絲，鍾意影相嘅朋友記得捕捉下！
地址：中環蘇豪嘉咸街46號地下
3. Burger JoysBurger Joys
榮獲國際旅遊網站Big 7 Travel「亞洲50間最佳漢堡店」中排行第五位，選舉中更係唯一一間香港餐廳入選「全球50名最佳漢堡店」，絕對係香港之光！漢堡的包裝都幾特別，是以紙盒盛著，方便食用。
必試Item：「特色雙層芝士牛肉漢堡」餐廳招牌漢堡，漢堡餐包用牛油煎得好香脆，單係個餐包已經遠勝多間漢堡店！漢堡扒選用USDA美國優質黑安格斯牛肉製成，牛味較濃又富有肉汁。簡單配上芝士、新鮮生菜等，味道出奇地好，讓人一試愛上！漢堡SIZE啱啱好，不多也不少，食完唔會過份飽。
「雜菌蘑菇芝士漢堡(素食) 」用雜菇碎製成的漢堡扒，炸香後絕不比牛肉漢堡扒遜息，素食嘅朋友或者唔想食得太heavy的朋友，可以一試，唔會令你失望！
地址：中環士丹利街82號地舖
4. Honbo
同樣於2020入選「亞洲50間最佳漢堡店」的Honbo，排名為13名。同年更再度由Bloomberg選出為「全球最佳漢堡2020」之一，更是唯一一間上榜的香港餐廳。Honbo對食材方面，無論是麵包、漢堡或醬汁都很講究，並且堅持自家製作。
必試Item：招牌「HONBO」有兩層2安士的漢堡扒，喜歡肉類嘅朋友可以點「HONBO 1.5」(三層2安士漢堡扒) 或挑戰勁量級「HONBO 2.0」(四層2安士漢堡扒)！漢堡扒牛味濃郁，好多肉汁，而且肉質富有口感。麵包內層以牛油烘過，既香軟又脆口，整體都挺出色，不愧於兩個漢堡選舉入選！
地址：中環康樂廣場1號怡和大廈B1樓1號舖BaseHall
