大S日前宣布與舊愛、韓國組合酷龍成員具俊曄閃婚，據傳大S媽咪同妹妹小S都是臨時被通知，惹媽咪十分不滿！而昨日具俊曄亦已到達台灣，隔離10日則可出關見大S。有傳大S媽咪繼續同大S冷戰，更直言如果女兒唔道歉就唔會見女婿！

今日早上大S媽咪係facebook分享一張兩隻公雞對望嘅相，寫下「對著吵、吵、吵」，未知係咪暗示佢同大S吵架嘅場面，第二張相寫下「啊呸-不要來強（搶）我的女兒、兒子、我啄死你……」相片背後意思耐人尋味。

據知，小S都曾做「和事佬」希望讓媽咪消氣，不過媽咪就無因此「買單」，仲話兩姊妹從小都係同一陣線，小S每次都係袒護家姐。而小S其後受訪時就表示都是一家人彼此相愛「還能冷戰多久，之後會慢慢沒事的。」