{ LIFESTYLE }
03 Jun 2016
Lady M銅鑼灣新店!咸甜都有得食!



Lady M進駐香港已經快要一年喇,而由今個月開始,大家除咗可以去尖沙咀以及中環店之外,連銅鑼灣都有得食Lady M喇!



位於銅鑼灣嘅最新旗艦店,設有室內及室外用餐區,係室外食蛋糕都別有一番風味架!



為慶祝新店開幕,Lady M 首次推出「朱古力千層蛋糕」(HK$75 / 一件),係皇牌薄班戟混入可可粉製作,再係每層塗上軟滑的朱古力忌廉!今次選用 58% 濃度嘅法國朱古力,味道非常濃郁,而且又唔會過甜,朱古力迷必試!



除咗新推出嘅朱古力千層蛋糕,小編另外再推薦兩款口味畀朱古力迷,分別係「朱古力棋盤蛋糕」(左;HK$58 / 一件)及「皇冠朱古力蛋糕」(中;HK$62 / 一件)。前者質感軟滑香甜,而後者就充滿濃郁綿密嘅黑朱古力慕絲!





而今次除咗有甜野食之外,更係Lady M香港店首次推出咸點!想食得健康的話,小編就推薦「暖藜麥蔬菜沙律」($108)。藜麥有幾健康小編就唔多講啦,另外配搭不同蔬菜,好似有牛油果、意大利青瓜、蘆筍,口感層次非常豐富!



如果想食啲小食,咁就可以試試「脆焗大蘑菇伴洋蔥汁」($108)。蘑菇上撒滿香草及麵包糠,焗後金黃香脆,再佐以法式洋蔥汁,蘑菇迷實鍾意啊!



最後想食飽肚啲嘅野,就要食「羊肚菌意大利飯伴溫泉蛋」($138)喇!意大利飯煮得軟硬度剛好,每口都有淡淡嘅羊肚菌味,將溫泉蛋攪拌一齊食真係超香啊!



各位sis,以後同男朋友去Lady M都唔會怕對方無野啱食啦,同埋佢亦無藉口唔同你去食喇(笑)!


Text:Niki Chan
Image:Dave.Y

KEYWORDS / 銅鑼灣, Lady M
YOU MAY ALSO LIKE
News
Feature
Blog
Load more
 
NOTIFICATION