{ LIFESTYLE }
10 Jan 2017
宮崎駿經典作品回顧!成為吉卜力女孩的5個特質

駿來了!駿來了!成日都話自己退休既宮崎駿,退黎退去都係又要復出〜籌備新作既同時,係1月5日佢就渡過左佢既76歲生日喇!為我地創作出多部不朽經典既佢,仲有咩新驚喜,大家要繼續留意喇!不過係多部經典作品入面,都有一個共通點,就係令人印象深刻既女主角,唔單止男仔鐘意,連女仔都一樣咁愛佢地〜想成為同吉卜力女孩一樣咁討喜既女生,睇下自己有冇呢5個特質啦!


1. 忠於自己
夢想





代表人物: 《魔女宅急便》琪琪、《夢幻街少女》小

13歲就獨自外出修練成為魔女既琪琪,仲有立志要成為小說作家既小霞,都係獨立而且擁有夢想既女生,無論旁人潑幾多冷水或者有咩困難都會繼續努力〜雖然結局入面,佢地都未完成理想,但擁有夢想既女孩就係充滿吸引力,相信係動畫佢世界入面佢地一定已經變得非常出色!





2. 奮力守護珍貴的事物




代表人物:
《幽靈公主》小桑、《天空之城》Shita 

《幽靈公主》小桑為守護森林同自己既族群奮戰,而《天空之城》既Shita同樣用一切辦法保護家族既飛行石...吉卜力女孩同其他動畫既女主角唔同,佢地好少係等人救既公主,反而會為自己珍惜既事而勇敢挺身而出!


3. 會照顧別人





代表人物:《龍貓》小月、《哈爾移動城堡》蘇菲

小月要照顧妹妹,又要探病左既媽媽,年紀輕輕就學識照顧家人,好犀利呀〜而蘇菲係哈爾屋企同樣都要做家頭細務,更加成為爾既心靈依靠,係一等一既暖女!仲撓埋對手唔做野?點得到爾既心呀!



4. 簡單善良





代表人物:《千與千尋》千尋

千尋無論係對自己既父母、白龍定新相識既無臉男、巨嬰同腐爛神等,都非常樂意幫助,而且並唔係要求咩好處!呢顆善良既心令佢成功救返爸爸媽媽,仲令白龍愛上佢添〜(錯重點〜〜〜)


5. 相信愛情





代表人物:《哈爾移動城堡》蘇菲、《崖上的波兒》波兒

宮崎駿係作品入面都表現出愛情既神奇魔力,例如被施咒變成老婆婆既蘇菲因為愛情變返後生,而以小美人魚作原始概念既崖上的波兒》,亦因波兒簡單純真既愛而令佢可以係地上居住。各位sis經歷過幾次愛情之後就完全失望,吉卜力女孩有冇令你重燃希望呢〜


宮崎駿經典作品令人百看不厭,係吉卜力女孩有冇搵到自己既影子呢?有既話,相信你同佢地一樣,會有個幸福既happy ending呀!



source: 崖上的波兒》 / 哈爾移動城堡》/千與千尋》/《龍貓》/《幽靈公主》/《天空之城》/ 《魔女宅急便》/《夢幻街少女》劇照








News
Feature
Blog
Load more
 
NOTIFICATION