{ LIFESTYLE }
20 Apr 2017
人生大事要即刻網上分享?5個原因令你分享前諗清楚

係乜野都要係Facebook、Instagram同Snapchat分享既年代,其他人上一秒做過乜都完全知道,令人與人之間產生微妙既距離!不過習慣在生活大小事都要係社交平台分享,包括工作、拍拖、同朋友聚會、到自己係屋企...可能會有負面影響!網絡作家Ericka Smith就話有以下5個原因,令你分享前要停一停先!



1. 事情可能出乎意料

你啱啱去左心儀既公司面試,然係對答如流,對方亦非常友善...

咁好既消息當然要立即同大家分享啦,朋友個個俾心心同like支持!不過之係間公司竟然冇請到你,呢個時候唔止失望,仲要回答朋友既好奇查問,實在係傷上加傷!

所以係事情仲有變數時,唔好咁心急同大家share喇!



2. 要係咁答問題

求左婚幾時結婚?幾時返新工?幾時出發去working holiday?...等等等問題不斷湧現,由最親到hi-bye friend見新你就問你新既問題,令人超級心煩。

係人生重要時刻前,心情已經非常忐忑,仲要被咁多人瘋狂關心,實在非常吃不消。所以,係未有最終決定前,唔洗咁快同人分享架!




3. 會有負面反應

唔係網絡上既每個人都會得悉你既好消息後,真心咁祝福你。相反,有唔少壞心眼既人會因為唔扺得你過得比佢好,而無風起浪講是講非,令好事變麻煩事。

分享令你得到更多祝福,同時亦有可能有更多打擊,所以唔需要同全部人講你既人生決擇,只需要同值得信仼同願意幫助你既人分享就夠架喇!


4. 被人偷橋

新既生意意念、創作、小故事等,原本屬於你既靈感,係錯既地方(社交平台)同錯既時間(比較初步時)發佈,可能被人偷橋,而早你一步發揚光大。




5. 唔需要向其他人證明自己

唔少人係社交平台上,都係炫耀自己既成功、開心同亮麗既一面,但同真實世界絕對有落差。所以唔洗執著於係網絡世界上同人比較,你工作既成功、愛情既幸福等等,都係屬於你既真實成就,不如自己好好享受啦!


雖然係人人都分享既年代,要同潮流唔同,真係一啲都唔易〜不過為左自己既幸福同快樂負責,諗清楚乜野先係值得分享啦!



source: elitedaily.com/



News
Feature
Blog
21 Aug 2017
Load more
 
NOTIFICATION