{ LIFESTYLE }
17 Apr 2018
《流星花園》續集日本首播 演員顏值被狠批

如果講起經典劇集《流星花園》紅遍亞洲,你會想起邊係台灣、日本、韓國邊一個版本呢?早於今年年初日本方面就公佈將會拍攝續集《流星花園~花男 Next Season~》,話咁快劇集將於今日首播,而製作組亦在上星期開始發佈預告片。有唔少劇迷睇過之後,就狠批演員顏值不如上一代,更指出上一輯嘅井上真央、松本潤、小栗旬等演員,現在睇起上黎簡直係夢幻陣容。




劇情講述在F4畢業後,貴族學校英德學園因為面對新競爭學校,男主角神樂木晴就以前輩F4為目標,成立了「Correct 5」,為保住英德嘅名聲。而「新杉菜」江戸川音,就係「隱藏平民」,無意間被男主角發現佢係便利店打工。






不如同大家講下今次嘅演員陣容先喇~「新杉菜」由今年20歲嘅杉咲花飾演,2016年憑著電影《幸福湯屋》出色嘅演技獲多個大獎肯定,包括日本電影金像獎最佳女配角和最佳新人獎、東京體育電影大獎最佳新人獎和藍絲帶獎最佳女配角,實力可以話係備受肯定!






杉咲花在IG中經常素顏示人~~





而男主角平野紫耀今年都係20歲,佢同上一輯飾演道明寺嘅松本潤一樣,都係來自Johnny's事務所,下個月就會隨「King & Prince」組合正式出道,不過演出經驗就比女主角杉咲花較少。









雖然有劇迷批評新一輯嘅演員,但都有網友認為《流星花園》台日韓3版主角群在一開始曝光時都不被看好,但播出後反而就人氣急升,所以今次續集都可以期待下咁嘅。





上一輯飾演「道明寺」的松本潤都獲邀客串演出。




Source:TBS/Instagram

Text:Alina Wan




YOU MAY ALSO LIKE
News
Feature
Blog
Load more
 
NOTIFICATION