{ LIFESTYLE }
10 Aug 2018
《延禧攻略》兩男角超搶鏡!姐姐們:他!我可以!





講起最近最多人討論嘅劇,唔係韓劇、唔係日劇、 亦都唔係港劇,而係大陸超紅嘅《延禧攻略》!劇中除咗有阿佘佘詩曼之外,仲帶嚟咗好多新面孔比大家!



《延禧攻略》咁受歡迎,除咗因爲有大家最愛嘅後宮心計劇場外,仲點少得一班帥氣十足嘅演員吖!講到當中最搶鏡最受歡迎嘅,當然係劇中帥氣又專情嘅傅恆少爺啦~







而飾演傅恆嘅許凱,今年只係23歲咋,呢位小鮮肉高180cm,加上濃眉大眼,絕對係一眾姐姐嘅菜呀!



加上佢係劇中雖然經常眼神憂鬱,對其他女生不屑一顧,唯有對住女主角魏瓔珞展開笑容!呢種反差萌難怪令佢咁受歡迎!







私下嘅佢完全就是一名潮男呢~睇開著古裝嘅許凱,有返頭髮要加上一身充滿時尚感嘅穿搭,係咪眼前一亮呢!



另外除咗傅恆少爺外,最近劇中一男子同樣受到大家熱烈討論。佢就係劇中傅恆嘅好友一等侍衛海蘭察!





同傅恆性格相反,海蘭察正正係走暖男風~係劇中有情有義,為朋友兩肋插刀,再加上一個暖得嚟又少少傻嘅笑容,邊有得輸!





同樣飾演海蘭察嘅王冠逸,現實一樣出色!高178cm嘅佢,原來係新加坡人嚟架~五官相當精緻嘅佢,原本新加坡同馬來西亞就已經好紅!





重點重點!現實中嘅佢操到自己超fit,呢六舊朱古力加上俊俏嘅面孔,可想而知有幾多女fans比佢迷倒!





不論係小鮮肉定暖男紳士都齊晒,難怪《延禧攻略》咁受歡迎啦!各位sis你地又喜歡邊位多啲?


Source:《延禧攻略》 劇照;許凱微博;IG@ohohlawrence

YOU MAY ALSO LIKE
News
Feature
Blog
02 Sep 2018
Load more
 
NOTIFICATION