{ BEAUTY }
17 Mar 2017
貝兒來襲!!《美女與野獸》彩妝大集合



萬眾期待嘅真人版《美女與野獸》終於上畫喇!聽睇咗嘅朋友講Emma又靚、啲歌又好聽、啲CG又勁,真係好正啊~唔知大家又睇咗未呢?未睇唔緊要,依家一齊嚟睇下唔同品牌《美女與野獸》嘅夢幻彩妝啦~

 
e.l.f Belle Beauty Book

 






好靚啊~呢本手繪風嘅Beauty Book!!一本書仔入面有齊眼影、胭脂、陰影、眉筆同唇彩,仲要e.l.f啲產品一向都又平又靚,真係好正啊~

 

L’Oreal《美女與野獸》限定指甲油套裝唇膏指甲油套裝

 






之前介紹嘅時候都睇到小編心郁郁~入面有7款唇膏同指甲油,而每款產品都係跟返故事入面嘅7個角色同物品設計架!每支唇膏嘅包裝都超華麗~不過好可惜只有意大利有售,都係得個睇字~

 

Morgan Taylor《美女與野獸》限定指甲油套裝

 








無錯又係指甲油~呢套指甲油套裝一共有七種顏色,當中Enchanted Patina顏色好特別好靚啊!

 

Skin Inc.《美女與野獸》提亮精華

 






睇到呢個黃色樽身會諗起啲咩呢~啱喇!就係貝兒嘅黃色禮裙,上面仲有一個玫瑰花小吊飾添!提亮精華加入維他命A、透明質酸同綠球藻成分,可以減淡黑眼圈,令皮膚回復光澤同keep住保濕!

  

Cutepress《美女與野獸》聯乘彩妝

 




講完啲外國品牌,就講返啲近近地架喇~有剛剛今個星期介紹,來自泰國嘅彩妝品牌Cutepress,推出一系列粉紅色包裝嘅《美女與野獸》聯乘彩妝,包括有眼影、光影、霧面唇彩同保濕噴霧,設計仲參照真人版電影角色設計添~

 

DHC貝兒橄欖潤唇膏

 







要講聯乘又點少得日本呢!!相信大家對DHC嘅橄欖潤唇膏都唔陌生~去親日本都買一堆返嚟囤貨(笑)更何況加埋美女與野戰,見到真係亳無抵抗力啊!

 

1 Day Tattoo二合一公主眉筆






同樣喺日本非常出名嘅1 Day Tattoo系列同迪士尼公主聯乘,呢期最hit當然係貝兒啦~眉筆防水防汗效果非常好,持久之餘尖幼嘅筆尖容易控制~

 

IT’s Demo《美女與野獸》彩妝盤







跟住就係小編去日本好鍾意行嘅地方「It’s Demo」,入面有大量卡通人物同彩妝大玩crossover,而呢個美女與野獸彩妝盤又係一盒有齊晒眼影、光影、陰影同唇膏,唇膏仲有三種色揀添~一盒帶去旅行就啱晒~

 




同場加映仲有IT’s Demo《美女與野獸》大色眼影盤,上面仲有玫瑰花壓紋,真係又精緻又實用啊~

 

Integrate《美女與野獸》彩妝書

 
呢個日本開架品牌嘅眼影真係好正~而品牌亦都為《美女與野獸》設計一系列童話彩妝!









有呢本好夢幻嘅彩妝書,入面有三色眼影同胭脂,眼影上面有故事角色嘅壓紋~超可愛!!

 

Source:instagram instagram instagram 

YOU MAY ALSO LIKE
News
Feature
Blog
Load more
 
NOTIFICATION