{ BEAUTY }
06 Dec 2017
潮流尖端!! 2018流行髮型你一定要知

新嘅一年就快要到喇!有冇諗過想換過髮型換過心情? !但係究竟換咩髮型先好呢?而家髮型界都風行一股短髮嘅潮流!清湯掛面已經唔再係美女嘅外型特徵!好多明星同模特兒紛紛都已經將頭髮剪短!小編覺得更加凸顯出佢哋嘅輪廓,而且氣質同女人味亦都通通出晒嚟!小編會為大家推介幾款2018年大熱嘅髮型。

1.有個性嘅短劉海 



空氣劉海已經冇咁流行啦!取而代之嘅係超有個性嘅短劉海,但並唔係適合每一個女生,比較適合面形瘦削同輪廓突出嘅女仔,短劉海俾人嘅感覺確實係有個性同清新脫俗嘅!


2.經典嘅男生系短髮 







確實係一個需要好大勇氣先可以有嘅髮型,女生大多普遍鍾意長頭髮,就算叫佢哋剪到膊頭左右嘅長度都還可以,但係要剪到好似男生咁嘅短髮就唔係個個女仔都接受到!男生系短髮比短劉海更能夠突出輪廓,令小編印象最深嘅女星例如柯德莉夏萍剪完短頭髮之後感覺煥然一新!有冇女生有勇氣試一試啊?

3.時尚嘅Lob 



bob 頭已經熱左好幾年!只係長度上嘅分別!2018所流行嘅係長及膊嘅bob頭,唔需要太多層次感,髮尾位置質感比較厚實,如果本身係bob頭嘅你,記住要將頭髮留到去膊頭位置啦!


4.充滿女人味嘅9:1分界 






很多Abc女生都偏愛嘅髮型,睇起嚟感覺好性感,又充滿女人味。應該可以迷倒唔少男生。


5.慵懶感十足嘅微曲髮



2018比較流行弧度比較大,但係帶一點點不經意嘅微曲髮,喱類髮型係日本已經流行左好多年,公仔麵型曲髮已經唔再流行!各位Sis不妨係聖新年去理髮嘅時候考慮吓電一把如希臘女神般嘅曲髮

新年絕對係一個比自己扮靚嘅好藉口!唔知以上嘅小分享,又可唔可以比到你一啲改變髮型嘅建議呢!

source:hair style

News
Feature
Blog
Load more
 
NOTIFICATION