{ BEAUTY }
14 Apr 2018
呼叫櫻花控!! Mamonde推出少女心櫻花系列彩妝

有冇Sis同小編一樣係同櫻花無緣㗎 ?唯有等下年再睇過櫻花啦!但係唔使氣餒㗎!我哋仲有一系列嘅櫻花期間限定彩妝可以敗家㗎 !韓國殿堂級彩妝品Mamonde又推出左一系列超燒嘅少女心大爆發嘅櫻花彩妝系列,等小編同你介紹下啦!



小編最愛實用性超高嘅眼影盤,偏紅色系嘅顏色,繼續係今個春夏嘅大熱,而且多個顏色入面都含有偏大粒子嘅閃粉,用後雙眼更加 bling bling 誘人,偏紅色系再加上大地顏色,十分安全,絕對係手殘女都可以輕易駕馭到








今次產品嘅一系列包裝,以粉紅色同白色為主調,再加上超可愛嘅粉色櫻花圖案,絕對係鍾意儲化妝品包裝盒嘅Sis,不能錯過嘅項目!



而胭脂嘅包裝亦都好吸睛,入面印有櫻花嘅圖案,分別有偏紅色同偏橙色,兩面可以交替使用,甜美同個性two in one!實在太方便喇!








Mamonde所推出嘅霧面唇膏,一向係質量嘅保證,好多beauty blogger 都有推介過,今次所推出嘅系列以明亮嘅顏色為主,而且質感水潤唔容易現乾紋,持久性亦都好強!



氣墊粉餅一向係她們家嘅王牌產品,每一季都會換上唔同嘅包裝,今次所推出嘅質感以輕透為主,但係遮瑕力亦都相當不錯,妝感睇起嚟以雅致為主!




如果去開韓國嘅Sis,可以不妨去專門店睇下!係春季都同你啲化妝品都換一換啦!

source:aritaum_official

amorepacificmall.official

News
Feature
Blog
02 Sep 2018
Load more
 
NOTIFICATION