今季又開始流行bling bling嘅果凍唇，如果再配上比較誇張嘅胭脂就會顯得妝感太濃，冇咗重點。所以今季嘅胭脂都以自然為主，以淡淡嘅粉紅色去襯托整個妝容。





REVLON Insta-Blush多功能胭脂棒有三種全新柔和色調，可以打造自然嘅光澤及紅潤氣息。細細一支已經可以當成胭脂、眼影及唇膏，非常方便。





佢採用粉凝霜配方，質地唔似一般膏狀胭脂咁黏笠，畫上肌膚非常清爽。畫上肌膚非常順滑，絕對唔會一攤攤。顯色度唔算高，非常透薄，直接搽上面就已經有白裡透紅嘅感覺，唔需要刻意推開。如果想當眼影或者唇膏，就要畫多幾下令顏色更明顯。# 300 Rose Gold Kiss帶有幼細珠光閃粉，搽出嚟呈玫瑰金，比較適合做highlight，其餘兩色就非常有血色感，搽出嚟效果好自然架。


REVLON Insta-Blush 多功能胭脂棒    HK$95
推出日期：3月中

銷售點：REVLON屈臣氏、萬寧及莎莎彩妝自助專櫃


TEXT/IMAGE：YuTsz